Árnesþing | Skóla- og velferðarþjónusta | Samráðsfundur v/sérkennslu í leikskólum í Árnesþingi

Þann 12. apríl, '21 til 20. apríl, '21

Samráðsfundur v/sérkennslu í leikskólum í Árnesþingi haldinn á Teams mánudaginn 19. apríl kl. 14:00-15:30.

Samráðsfundur sérkennslustjóra og annarra sem sinna sérkennslu/stuðningi í leikskólum í Árnesþingi verður haldinn á Teams mánudaginn 19. apríl kl. 14:00-15:30.

Við byrjum fundinn á að hlusta á Emilíu Lilju R. Gilbertsdóttur sem er sérkennslustjóri og deilarstjóri í leikskóladeild Kerhólsskóla. Hún segir frá því hvernig þau vinna v/barna sem þurfa sérstakan stuðning í leikskólanum.

Hér er lýsing á erindi Emilíu:

Í leikskólanum vinnum við eftir hugmyndafræði Mihaly Csikszentmihalyi um flæði þar sem áhugahvöt barna leiðir starfið og styðjumst við kenningar Vygotskys um að barnið lærir og þroskast í samskiptum við aðra getumeiri einstaklinga. Við leggjum mikla áherslu á frjálsa leikinn og okkar hlutverk felst í að skapa börnunum aðstæður og útvega þeim efnivið þar sem þau geta dregið með sér lærdóm úr. Við leggjum einnig mikla áherslu á frjálsan leik sem leið að flæði.

Ég fer með sérkennslu á leikskóladeildinni í anda þeirra aðferða sem leikskólinn vinnur eftir. Við nálgumst sérkennsluna í gegnum leikinn og með hugmyndafræði skóla án aðgreiningar að leiðarljósi. Skóli án aðgreiningar byggir á Salamanca- yfirlýsingunni sem vísar í lýðræðis- og mannúðleg sjónarmið; gengið er út frá því að margbreytileiki mannkyns sé eðlilegur og áhersla lögð á að fólki sé ekki mismunað.

Við notum ýmsa skimunarlista til að kanna og fylgja eftir stöðu nemenda. Þar má helst nefna TRAS, EFI-2 málþroskaskimun 3-4 ára, HLJÓM-2 fyrir 5 ára börn og íslenska málhljóðamælinn.
Með því getum við brugðist við með snemmtækri íhlutun ef þurfa þykir. Einnig leggjum við mikla áherslu á félagsfærni. Sérkennslan gengur í meginatriðum út á það að stuðningur við börn fari fram í nemendahópnum með jafnöldrum sínum og kennara. Í vetur leggjum við sérstaka áherslu á eflingu orðaforða og erum að vinna ýmis verkefni tengd því.

Síðan eru önnur mál, m.a. hvernig hefur gengið á skólaárinu m.t.t. sóttvarnartakmarkana, óvissu og breytinga.

Hér er linkurinn inn á fundinn. Click here to join the meeting

« Til baka í viðburði

Skólaþjónusta Árnesþings

Skólaþjónusta Árnesþings

Samráðsfundur v/sérkennslu í leikskólum í Árnesþingi

Samráðsfundur v/sérkennslu í leikskólum í Árnesþingi