Árnesþing | Skóla- og velferðarþjónusta | Vel sótt námskeið Skóla- og velferðarþjónustu Árnesþings í upphafi skólaársins 2016-2017

Dagana 10. og 11. ágúst hélt Skóla- og velferðarþjónusta Árnesþings námskeið sem bar heitið Fjölbreyttir kennsluhættir og nemendamiðað nám. Námskeiðið var haldið í samvinnu við Skólastofuna slf. en þaðan kom aðal fyrirlesarinn, Ingvar Sigurgeirsson, prófessor við Menntavísindasvið Háskóla Íslands.

Á annað hundrað manns sótti námskeiðið og var margt áhugavert í boði s.s. fyrirlestur um helstu sóknarfærin í skólastarfinu þar sem m.a. var lögð áhersla á nemendamiðað nám, einstaklingsmiðað nám, samvinnu nemenda, teymiskennslu, upplýsingatækni, lykilhæfni, leiðsagnarmat og ólíkar matsaðferðir. Hópavinna fór fram þar sem bæði var unnið þvert á skóla og hver skóli fyrir sig. En þar var lagt upp með spurningarnar: „Hvert viljum við stefna?“ „ Hvað langar okkur mest að gera?“ Þarna sköpuðust miklar og góðar umræður sem kveiktu á hugmyndum um þróunarstarf á komandi misserum.

Þrír kennarar, Hallbera Gunnarsdóttir, Emilía Jónsdóttir og Margrét Harðardóttir frá Bláskógaskóla á Laugarvatni kynntu útinám og tveir kennarar, Ragna Björnsdóttir og Alice Petersen kynntu námsmat.

Seinni daginn var boðið upp á eftirtaldar málstofur: Teymiskennsla - Nemendamiðað nám og fjölbreyttir kennsluhættir – Samvinnunám - Upplýsingatækni - Lykilhæfni og leiðsagnarmat. Að lokum komu allir námskeiðsgestir saman á sal þar sem Ingvar Sigurgeirsson tók saman það sem fram hafði komið á þessum tveimur dögum. Meðal annars var farið yfir hvað hver skóli hugðist leggja áherslu á að gera út frá þessu námskeiði og hvaða hugsanlega afurð hver skóli gæti svo komið með og kynnt á vormánuðum en þá er stefnt að því að hittast aftur einn dagpart.

« Til baka í tilkynningar

Skólaþjónusta Árnesþings

Skólaþjónusta Árnesþings

Vel sótt námskeið Skóla- og velferðarþjónustu Árnesþings í upphafi skólaársins 2016-2017

Vel sótt námskeið Skóla- og velferðarþjónustu Árnesþings í upphafi skólaársins 2016-2017