Árnesþing | Skóla- og velferðarþjónusta | Lausar eru til umsóknar stöður skólastjóra og aðstoðaskólastjóra í Kerhólsskóla

Kerhólsskóli

Í skólanum eru 76 nemendur á aldrinum 1-16 ára. Við skólann starfar hæft og vel menntað starfsfólk. Kerhólsskóli vinnur í anda einstaklingsmiðaðra kennsluhátta og umhverfismenntar, auk þess sem áhersla er lögð á list- og verkgreinar. Samkennsla og samvinna árganga er ríkjandi og áhersla er lögð á teymisvinnu kennara. Leik- og grunnskólinn er í nýrri og glæsilegri byggingu og aðstaða fyrir verkgreinar, íþróttir, sund og útiveru afar góð. Grímsnes- og Grafningshreppur sinnir skólamálum af miklum metnaði þar sem skólinn skipar mikilvægan sess í samfélaginu.

Mikilvægt er að umsækjendur séu tilbúinir að viðhalda þeim jákvæða og góða skólabrag sem hefur einkennt starf Kerhólsskóla og hafi áhuga á samfellu í námi milli leik- og grunnskóla. Þá séu þeir tilbúnir að vinna í anda hugmyndafræði teymisstjórnunar þar sem jafnræði er á milli leik- og grunnskóla. Leitað er að metnaðarfullum einstaklinum sem búa yfir þekkingu og skýrri sýn á skólastarf og veita faglega forystu til framtíðar þar sem tekið er tillit til mismunandi þarfa, áhuga og getu nemenda.

Hlutverk skólastjóra/aðstoðarskólastjóra:

Skólastjóri og aðstoðarskólastjóri vinna náið saman og skipta með sér verkum.

Meginhlutverk þeirra eru:

Að veita faglega forystu og móta framtíðarsýn í samræmi við skólastefnu sveitarfélagsins, aðalnámskrá leik- og grunnskóla og lög um leik – og grunnskóla.
Að stýra og bera ábyrgð á rekstri og daglegri starfsemi skólans.
Bera ábyrgð á starfsmannamálum s.s. ráðningum, starfsþróun og vinnutilhögun.
Bera ábyrgð á samstarfi við aðila skólasamfélagsins.

Menntunar- og hæfniskröfur:

Leyfisbréf sem grunnskólakennari/leikskólakennari og kennslureynsla í grunnskóla og/eða leikskóla.
Viðbótarmenntun í stjórnun menntastofnuna og/eða reynsla af stjórnun.
Góðir skipulagshæfileikar og færni í áætlanagerð og fjármálastjórnun.
Færni í starfsmannastjórnun.
Lipurð og hæfni í samskiptum.
Sveigjanleiki og víðsýni.
Vilji til að leita nýrra leiða í skólastarfi og áhugi á þróunarstarfi.

Umsóknum skal fylgja nöfn tveggja umsagnaraðila, greinargóð skýrsla um störf umsækjanda, menntun og stjórnunarreynslu. Tilgreina skal þau verkefni sem viðkomandi hefur unnið að og varpað geta ljósi á færni hans til að sinna starfi skólastjóra eða aðstoðarskólastjóra. Þá skal fylgja umsókninni greinargerð þar sem fram koma hugmyndir umsækjanda um skólastarf og hvernig þeir sjá starfsemi Kerhólsskóla í framtíðinni.

Ráðið verður í stöðuna frá og með 1. ágúst 2016. Umsækjendur skili umsókn í tölvupósti á netfangið gogg@gogg.is eigi síðar en mánudaginn 11. apríl 2016.

Nánari upplýsingar um starfið veitir: Ingibjörg Harðardóttir sveitarstjóri í síma, 480 5500 eða í gegnum tölvupóst á netfangið gogg@gogg.is

« Til baka í tilkynningar

Skólaþjónusta Árnesþings

Skólaþjónusta Árnesþings

Lausar eru til umsóknar stöður skólastjóra og aðstoðaskólastjóra í Kerhólsskóla

Lausar eru til umsóknar stöður skólastjóra og aðstoðaskólastjóra í Kerhólsskóla