Árnesþing | Skóla- og velferðarþjónusta | Lokahátíð Stóru upplestrarkeppninnar 2020

Lokahátíð Stóru upplestrarkeppninnar í Árnesþingi var haldin í Árnesi þriðjudaginn 3. mars en gestgjafi keppninnar í ár var Þjórsárskóli. Keppnin er árlegt samstarfsverkefni Radda, sem eru samtök um vandaðan upplestur og framsögn og Skóla- og velferðarþjónustu Árnesþings. Fulltrúar frá eftirtöldum skólum lásu kafla úr skáldsögu og ljóð: Bláskógaskóla Laugarvatni, Bláskógaskóla Reykholti, Flóaskóla, Flúðaskóla, Kerhólsskóla og Þjórsárskóla.

Eyrún Huld Ingvarsdóttir frá Þjórsárskóla sigraði keppnina, Ísold Assa Guðmundsdóttir Kerhólsskóla hreppti annað sætið og Júlía Kolka Martinsdóttir Flóaskóla varð í þriðja sæti.

Í dómnefnd sátu Jón Hjartarson frá Röddum, Hlíf S. Arndal fyrrverandi forstöðumaður Bókasafnsins í Hveragerði og Jón Özur Snorrason íslenskukennari við Fjölbrautaskóla Suðurlands. Hátíðin var í alla staði glæsileg og stóðu keppendur sig með stakri prýði. Áhorfendur fengu einnig að hlýða á vönduð og skemmtileg tónlistaratriði frá Tónlistarskóla Árnesinga.

Á myndinni eru Kjartan Halldór Ágústsson kennari og Eyrún Huld Ingvarsdóttir Þjórsárskóla, Ísold Assa Guðmundsdóttir Kerhólsskóla og Helga Haraldsdóttir kennari, Júlía Kolka Martinsdóttir Flóaskóla og Gunnlaug Hartmannsdóttir skólastjóri.

« Til baka í tilkynningar

Skólaþjónusta Árnesþings

Skólaþjónusta Árnesþings

Lokahátíð Stóru upplestrarkeppninnar 2020

Lokahátíð Stóru upplestrarkeppninnar 2020