Árnesþing | Skóla- og velferðarþjónusta | Kennsluráðgjafi á grunnskólastigi óskast til starfa

Skóla- og velferðarþjónusta Árnesþings óskar eftir að ráða kennsluráðgjafa í 100% starf á grunnskólastigi. Starfsfólk skóla- og velferðarþjónustu starfar í þverfaglegu og sveigjanlegu starfsumhverfi þar sem lögð er áhersla á samvinnu, snemmtæka íhlutun og farsæld í þágu barna og fjölskyldna þeirra.

Við bjóðum góða starfsaðstöðu, jákvætt andrúmsloft og tækifæri til starfsþróunar.

Helstu verkefni og ábyrgð:

Fræðsla og ráðgjöf til foreldra og starfsfólks skóla vegna einstaklinga og/eða hópa með fjölbreyttar þarfir.
Stuðningur og handleiðsla vegna fjölbreyttra og árangursríkra kennsluhátta með áherslu á snemmbæran stuðning.
Stuðningur við nýbreytni- og þróunarstarf skóla, m.a. með ráðgjöf við stjórnendur og starfsfólk skóla.
Vinna að samþættingu þjónustu í þágu farsældar barna.
Vinna í þverfaglegu samstarfi skóla- og velferðarþjónustu.

Menntunar- og hæfniskröfur:

Leyfisbréf, staðfesting á réttindum til kennslu.
Framhaldsmenntun sem nýtist í starfi er æskileg.
Þekking á fjölbreyttum náms- og kennsluaðferðum.
Reynsla af kennslufræðilegri ráðgjöf og/eða kennslufræðilegri forystu er kostur.
Skipulagshæfni, sjálfstæði og frumkvæði.
Jákvætt viðhorf, lausnamiðuð hugsun og leikni í mannlegum samskiptum.
Hreint sakavottorð.

Ráðning í starfið er tímabundin til eins árs, frá 1. ágúst 2022 til 31. júlí 2023.

Launakjör eru í samræmi við samning Sambands íslenskra sveitarfélaga og viðkomandi stéttarfélags.

Umsóknarfrestur er til og með 8. maí 2022.

Umsókninni skal fylgja ferilskrá um störf umsækjanda, menntun og nöfn tveggja umsagnaraðila, ásamt kynningarbréfi með rökstuðningi um hæfni viðkomandi í starfið. Öllum umsóknum verður svarað.

Frekari upplýsingar um starfið veitir Hrafnhildur Karlsdóttir teymisstjóri skólaþjónustu í síma 488-4545.

« Til baka í tilkynningar

Skólaþjónusta Árnesþings

Skólaþjónusta Árnesþings

Kennsluráðgjafi á grunnskólastigi óskast til starfa

Kennsluráðgjafi á grunnskólastigi óskast til starfa