Árnesþing | Skóla- og velferðarþjónusta | Endurmenntunardagur grunnskóla í Árnesþingi 2022

Endurmenntunardagur grunnskóla í Árnesþingi verður haldinn fimmtudaginn 11. ágúst n.k. í Grunnskólanum í Þorlákshöfn, Kerhólsskóla í Grímsnes- og Grafningshreppi og í félagsheimilinu Þingborg í Flóahreppi.

Dagskrá:

Kl. 9:30-12:30 - Foreldrasamtöl - Kerhólsskóli

Vinnustofa um krefjandi foreldrasamtöl. - 3.500,- kr.

Vinnustofan byggir á fyrirlestri, umræðum og æfingum. Fjallað verður um hvernig við eigum krefjandi og jafnframt góð samtöl við foreldra og kenndar aðferðir við að ræða mál sem geta verið viðkvæm. Þjálfuð verður samtalstækni sem hentar í krefjandi samtölum og hvernig skapa má traust og öryggi í samtali. Kynnt verða spurningatæki og rætt um mikilvægi þess að hafa markmið viðtala skýr.

Tímalína námskeiðs: 1. Lista upp krefjandi aðstæður í samskiptum við foreldra sem gagnlegt væri að taka fyrir. 2. Velja áhugaverðar aðstæður. 3. Ræða um hvernig best er að nálgast aðstæðurnar. 4. Verklegar æfingar. 5. Umræður og æfingar. Leiðbeinandi: Eyþór Eðvarðsson, M.A. í vinnusálfræði, þjálfari og ráðgjafi hjá Þekkingarmiðlun.

Kl. 13:00-16:00 – Íþróttir fyrir alla

Grunnskólinn í Þorlákshöfn og íþróttahúsið Þorlákshöfn - 3.500,- kr.

Markmiðið með námskeiðinu er að auka skilning íþróttakennara á lausnamiðaðri íþróttakennslu. Að styðja þá við að þróa fjölbreytta kennsluhætti til að þjónusta fjölbreyttan hóp nemenda í íþróttakennslunni og skapa þar kennsluumhverfi sem hentar öllum nemendum. Námskeiðið er tvískipt: Fyrst bóklegur hluti og síðan verklegur hluti sem verður haldinn í íþróttasal. Þar verður farið yfir hina ýmsu leiki sem gætu eflaust bæst í hugmyndabankann.

Kennarar: Bjarni Rúnar Lárusson og Ingibjörg S. Sæmundsdóttir, íþróttakennarar í Grunnskólanum í Þorlákshöfn

Kl. 13:30-16:00 – Núvitund í skólastarfi

Félagsheimilið Þingborg í Flóahreppi - 3.500,- kr.

Síðustu tvö ár hafa verið sérstaklega krefjandi fyrir kennarastéttina þar sem örar breytingar á kennsluformi, undirmönnun og óöryggi hefur valdið mörgum kennurum og nemendum óþægindum. Líðan kennara hefur óneitanlega áhrif á nemendur og skólaandann allan og því er nauðsynlegt er að standa vörð um andlega heilsu og finna fjölbreyttar leiðir sem stuðla að vellíðan og ánægju í starfi. Aukin áhersla á jafnvægi milli andlegrar og líkamlegrar heilsu felur í sér mikinn ávinning fyrir allt skólastarf og núvitund er er eitt af þeim gagnreyndu tólum sem hægt er að nota til að stuðla að meiri vellíðan og hamingju í lífinu öllu og að auka námslega getu.

Á námskeiðinu Núvitund í skólastarfi – að stuðla að vellíðan verður fjallað um núvitund, hvernig hægt er að nýta hana í kennslu og hver áhrif hennar er á líðan og hegðun nemenda og kennara. Námskeiðið byggist á fyrirlestri í bland við fjölbreyttar núvitundaræfingar sem nýta má í skólastarfinu. Ef þátttakendur eiga jógadýnu og vilja eiga möguleikann á að vera liggjandi í sumum æfingum er velkomið að taka slíka með. Eins verða nokkrar dýnur á staðnum. Gott er að vera með hlýja sokka og jafnvel teppi og púða til að geta látið fara eins vel um sig og unnt er.

Kennari: Hrafnhildur Hlín Hjartardóttir núvitundarkennari og hegðunarráðgjafi í Skóla- og velferðarþjónustu Árnesþings.

Endilega skráið ykkur sem fyrst en hægt er að skrá sig hér - Skráning

« Til baka í tilkynningar

Skólaþjónusta Árnesþings

Skólaþjónusta Árnesþings

Endurmenntunardagur grunnskóla í Árnesþingi 2022

Endurmenntunardagur grunnskóla í Árnesþingi 2022