Árnesþing | Skóla- og velferðarþjónusta | Deildarstjóri og leikskólakennarar óskast til starfa frá 17.ágúst nk.

Leikskólinn Óskaland auglýsir eftir metnaðarfullum deildarstjóra á deild fyrir börn frá 12 mánaða aldri, og leikskólakennurum á allar deildir.

Leikskólinn Óskaland er fjögurra deilda leikskóli í vaxandi gróskumiklu bæjarfélagi. Í leikskólanum starfar áhugasamt og metnaðarfullt starfsfólk og þar stunda nám fyrirmyndar börn sem þurfa fleiri áhugasama kennara.

Undirbúningsvinna er hafin að innleiðingu Heilsueflandi leikskóla. Nánari upplýsingar um leikskólann má sjá á heimasíðu leikskólans: Óskaland

Leitað er að metnaðarfullum, skapandi og jákvæðum einstaklingum með góða hæfni í mannlegum samskiptum.

Hæfniskröfur:

Leikskólakennaramenntun
Reynsla af uppeldis- og kennslustörfum æskileg
Lipurð og hæfni í mannlegum samskiptum
Gott vald á íslenskri tungu
Hreint sakavottorð

Fáist ekki menntaðir leikskólakennarar eða fólk með aðra uppeldismenntun og eða reynslu kemur vel til greina að ráða leiðbeinendur tímabundið í lausar stöður! Starfið hentar öllum kynjum.

Umsóknarfrestur er til 15.júní n.k.

Umsóknum skal skilað á bæjarskrifstofur Hveragerðisbæjar, Breiðumörk 20, 810 Hveragerði.

Umsóknareyðublöð má finna á vef Hveragerðisbæjar Íbúagátt

Nánari upplýsingar veitir Gunnvör Kolbeinsdóttir skólastjóri í síma 4834139 eða á netfangið: oskaland@hveragerdi.is

Laun eru greidd samkvæmt kjarasamningi viðkomandi stéttarfélags. Með umsókn um störfin skal fylgja afrit af leyfisbréfi, skrá yfir starfsferil og menntun og upplýsingar um umsagnaraðila.

« Til baka í tilkynningar

Skólaþjónusta Árnesþings

Skólaþjónusta Árnesþings

Deildarstjóri og leikskólakennarar óskast til starfa frá 17.ágúst nk.

Deildarstjóri og leikskólakennarar óskast til starfa frá 17.ágúst nk.