Árnesþing | Skóla- og velferðarþjónusta | ART er SMART í Árnesþingi

Skóla- og velferðarþjónusta Árnesþings og ART teymið hafa nú tekið höndum saman í verkefninu „ART er SMART í Árnesþingi“, en það felst m.a. í að efla og kynna ARTið í grunnskólum í Árnesþingi og að auðvelda kennrurum og starfsfólki skóla að nota ART með nemendum.

Um allan heim hafa gagnreyndar rannsóknir sýnt fram á að ART þjálfun barna dregur úr hegðunarvanda, eflir sjálfsmynd og bætir líðan. Í ljósi þess að í öllum grunnskólum í Árnesþingi eru nú þegar ART þjálfarar að störfum þá er farið í þetta verkefni nú. Það er ábyrgð okkar allra sem samfélagsþegar á okkar svæði að bregðast við þessari stöðu í þjóðfélaginu og er það því von okkar sem stöndum að þessu verkefni að allir starfsmenn skólanna sjái sér fært að sitja aðra hvora kynninguna.

Verkefnið felst í því að skólar geta óskað eftir tvenns konar kynningum:

Upprifjun [2 klst]
Fyrir starfsfólk sem er nú þegar ART þjálfarar eða hefur setið þriggja daga ART námskeið á vegum ART teymisins á Suðurlandi.

Kynning [2 klst]
Fyrir starfsfólk sem veit „lítið sem ekkert“ um ART.

Í báðum kynningunum verða sýnd tvö stutt myndbönd þar sem börn á aldrinum 4 – 15 ára segja frá því sem þau hafa lært í ART og hvernig það hefur hjálpað þeim í þeirra daglega lífi.

Eftirtaldar dagsetningar eru í boði:

22. febrúar kl. 13:45 - 15:45
1. mars kl. 13:45 - 15:45
8. mars kl. 13:45 - 15:45

Þegar búið er að finna hentuga dagsetningu biðjum við ykkur vinsamlegast að hafa samband við Skóla- og velferðarþjónustu Árnesþings með því að senda tölvupóst á netfangið ritari@arnesthing.is
Við hlökkum til að koma til ykkar og eiga með ykkur skemmtilega stund.

Hér má lesa auglýsinguna í heild sinni

« Til baka í tilkynningar

Skólaþjónusta Árnesþings

Skólaþjónusta Árnesþings

ART er SMART í Árnesþingi

ART er SMART í Árnesþingi