Árnesþing | Skóla- og velferðarþjónusta | Deildarstjóri og leikskólakennarar óskast

Leikskólinn Undraland á Flúðum óskar eftir að ráða deildarstjóra í 100% starf, einnig eru lausar stöður leikskólakennara.

Leikskólinn Undraland er þriggja deilda leikskóli og er staðsettur á Flúðum. Við skólann stunda rúmlega 40 börn nám. Við störfum eftir hugmyndafræði Reggio Emilia með útikennslu að leiðarljósi. Við leggjum áherslu á þarfir barnanna til frjálsra leikja og getu þeirra til að skapa og upplifa. Náttúran og umhverfið sem við búum í eru nýtt til rannsókna og leikja

Menntun: Umsækjendur þurfa að hafa lokið leikskólakennaranámi eða tilskilinni menntun.

Hæfni: Kennarar og starfsmenn leikskólans þurfa að búa yfir færni í mannlegum samskiptum, sýna frumkvæði, sjálfstæði og hafa metnað fyrir starfi sínu. Vinna að uppeldi og menntun barnanna í samræmi við námskrá leikskólans og geta unnið í nánu samstarfi við stjórnendur leikskólans.

Launakjör: Launakjör eru samkvæmt kjarasamningi Sambands íslenskra sveitafélaga og Félags leikskólakennara.

Einnig er laus 80% staða í eldhúsi.

Við hvetjum karla jafnt sem konur til að sækja um hjá okkur.

Umsóknareyðublöð má nálgast á heimasíðu skólans og hjá leikskólastjóra. Vinsamlegast sendið inn umsókn á netfangið ingibjorg@undraland.is. Nánari upplýsingar um störfin veitir Ingibjörg Bjarney Baldursdóttir leikskólastjóri í síma 480-6620.

« Til baka í tilkynningar

Skólaþjónusta Árnesþings

Skólaþjónusta Árnesþings

Deildarstjóri og leikskólakennarar óskast

Deildarstjóri og leikskólakennarar óskast