Árnesþing | Skóla- og velferðarþjónusta | Náms- og starfsráðgjafi óskast til starfa

Náms- og starfsráðgjafi óskast til starfa í grunnskólum í uppsveitum Árnessýslu og Flóahreppi.

Á svæði sveitarfélaganna eru sex grunnskólar, Kerhólsskóli, Bláskógaskóli á Laugarvatni, Bláskógaskóli í Reykholti, Flúðaskóli, Þjórsárskóli og Flóaskóli. Nemendafjöldi í skólunum er samtals um 400. Um er að ræða 100% starf og fer viðvera náms- og starfsráðgjafa í hverjum skóla eftir fjölda nemenda á hverjum stað.

Helstu verkefni náms- og starfsráðgjafa eru:

Annast starfskynningar nemenda á unglingastigi.
Leiðbeina nemendum um vinnubrögð í námi.
Sinna fyrirbyggjandi vinnu t.d. vörnum gegn vímuefnum, einelti o.fl.
Veita persónulega ráðgjöf við nemendur vegna ýmissa vandamála s.s. námsörðugleika, prófkvíða o.fl.
Sinna hópráðgjöf og fræðslu til nemenda.
Vinna náið með stjórnendateymi hvers skóla.
Náms- og starfsráðgjafi er trúnaðarmaður og talsmaður nemenda.

Menntunar- og hæfniskröfur:

Starfsréttindi sem náms- og starfsráðgjafi.
Hæfni og lipurð í samskiptum.
Frumkvæði, metnaður og sjálfsstæði í vinnubrögðum.
Réttindi sem ART þjálfari er kostur.

Umsækjendur sendi umsókn á netfangið hrafnhildur@arnesthing.is fyrir 17. maí n.k. Þeim fylgi greinargóð skýrsla um fyrri störf umsækjenda og menntun. Tilgreina skal þau verkefni sem viðkomandi hefur unnið og varpað geta ljósi á færni hans til að sinna starfi náms- og starfsráðgjafa. Ráðið verður í stöðuna frá og með 1. ágúst n.k. eða eftir samkomulagi. Upplýsingar um starfið veitir Hrafnhildur Karlsdóttir teymisstjóri og kennsluráðgjafi Skólaþjónustu Árnesþings í síma: 483-4000.

« Til baka í tilkynningar

Skólaþjónusta Árnesþings

Skólaþjónusta Árnesþings

Náms- og starfsráðgjafi óskast til starfa

Náms- og starfsráðgjafi óskast til starfa