Árnesþing | Skóla- og velferðarþjónusta | Uppeldi sem virkar

Skóla– og velferðarþjónusta Árnesþings auglýsir foreldrafærninámskeiðið Uppeldi sem virkar – færni til framtíðar fyrir foreldra barna yngri en 6 ára.

Á námskeiðinu er m.a. farið yfir hvernig hægt er að:

koma í veg fyrir hegðunarerfiðleika
hjálpa börnum að tileinka sér öryggi, sjálfstæði og jákvæðni
efla eigin styrkleika og færni í foreldrahlutverkinu
nota aga á jákvæðan og árangursríkan hátt
kenna börnum æskilega hegðun
takast á við venjuleg vandamál í uppeldi

Námskeiðin eru samtals átta klukkustundir og mæta foreldrar vikulega í tvær klukkustundir í senn. Greiða þarf fyrir námskeiðsgögn sem eru 2000 kr. á hverja fjölskyldu sem tekur þátt. Hámarksfjöldi á námskeiðinu er 16 manns. Námskeiðið verður aðeins haldið ef lágmarks þátttaka fæst.

Námskeiðið er haldið í félagsheimilinu í Brautarholti í Skeiða– og Gnúpverjahreppi, mánudagana 7., 14., 21. og 28. nóvember kl. 19:30-21:30.

Kennarar á námskeiðinu eru Hrafnhildur Karslsdóttir kennsluráðgjafi og Sigurjón Árnason félagsráðgjafi, en þau starfa hjá Skóla- og velferðarþjónustu Árnesþings.

Skráning á námskeiðið er á netfanginu arnesthing@gmail.com en allir foreldrar leikskólabarna ættu að hafa fengið upplýsingar um skráningu í tölvupósti. Vinsamlegast skráið ykkur fyrir hádegi föstudaginn 4. nóvember 2016.

Nánari upplýsingar er hægt að fá á netfanginu arnesthing@gmail.com

« Til baka í tilkynningar

Skólaþjónusta Árnesþings

Skólaþjónusta Árnesþings

Uppeldi sem virkar - færni til framtíðar

Uppeldi sem virkar - færni til framtíðar