Árnesþing | Skóla- og velferðarþjónusta | Endurmenntunardagur grunnskóla í Árnesþingi 13. ágúst 2020 Borg í Grímsnesi

Endurmenntunardagur grunnskóla í Árnesþingi verður haldinn 13. ágúst 2020 á Borg í Grímsnesi.

Vinsamlega skráið ykkur á þann fyrirlestur sem þið ætlið að sækja og ef þið ætlið að borða hádegisverð á staðnum. Skráning hér

10:00 – 12:00 Börn og líðan

Sálfræðingar frá Skóla- og velferðarþjónstu Árnesþings, Berglind Friðriksdóttir og Hugrún Vignisdóttir fjalla um líðan barna og unglinga í skólakerfinu í dag, hvernig hún birtist og mikilvægi þess að mæta þeim áskorunum sem börnin glíma við hverju sinni.
Ragnheiður Hergeirsdóttir, forstöðumaður Skóla- og velferðarþjónustunnar og félagsráðgjafi fjallar um heildarsýn og valdeflingu - nálgun í starfi með börnum og fjölskyldum. Einnig fjallar Ragnheiður um barnavernd og hvað gerist þegar búið er að tilkynna til barnaverndar. Ekkert þátttökugjald.

12:00 – 12:45 - Léttur hádegisverður. Hófstillt verð.

12:45 – 14:45 Umsjónarkennarinn

Lilja M. Jónsdóttir, lektor við Menntavísindasvið HÍ fjallar um verksvið og hlutverk umsjónarkennarans. Kynntar verða hugmyndir um hvernig skipuleggja má skólastarfið þannig að koma megi til móts við ólíkar þarfir og einstaklingsmun nemenda. Þá verða kynntar hugmyndir um hvernig skapa má góðan bekkjaranda, hvernig bregðast má við einelti, hvaða aðferðir kennarinn getur stuðst við í bekkjarstjórnun, um fjölbreyttar kennsluaðferðir og blómlegt foreldrasamstarf. Þátttökugjald Kr. 1.600.-

Skólaþjónusta Árnesþings